სარეკლამო პირობები
1. რა არის რეკლამა TripAlltime-ზე
რეკლამა არის ფასიანი (სპონსორირებული) განთავსება: მთავარ გვერდზე, ძიებაში, რუკაზე, ფიდში და ნიას რეკომენდაციებში. პარტნიორი არის რეკლამის დამკვეთი, პლატფორმა — რეკლამის გამავრცელებელი („რეკლამის შესახებ“ საქართველოს კანონის მე-3 მუხლი).
2. მონიშვნა და ორგანული რეიტინგი
ყოველი სარეკლამო განთავსება აშკარად მოინიშნება როგორც „რეკლამა“ (კანონის მე-4 მუხლის 1-ლი პუნქტი). რეკლამა არ ცვლის TripScore-ს, შეფასებებს და ორგანულ რეიტინგს.
3. კონტენტი და პასუხისმგებლობა
პარტნიორი პასუხს აგებს სარეკლამო ინფორმაციის შინაარსზე (კანონის მე-20 მუხლის 1-ლი პუნქტი): ფასები, ფასდაკლებები და პირობები უნდა შეესაბამებოდეს სინამდვილეს. აკრძალულია არაკეთილსინდისიერი, არასარწმუნო და შეცდომაში შემყვანი რეკლამა (მე-4 მუხლის მე-8 პუნქტი). პლატფორმა კამპანიას ამოწმებს გაშვებამდე და შეუძლია უარი თქვას ან შეაჩეროს იგი.
4. ბიუჯეტი და ანგარიშსწორება
პარტნიორი თავად განსაზღვრავს დღიურ და საერთო ბიუჯეტს და ფასს დაწკაპუნებაზე ან 1000 ჩვენებაზე. ხარჯი არ აღემატება დადგენილ ბიუჯეტს. ბოტების და ბათილი დაწკაპუნებები არ ანგარიშდება.
სარეკლამო ხარჯი ანგარიშდება თვის ბოლოს ფაქტიური ხარჯით, რასაც ემატება დღგ, და იხდება ინვოისით ბიზნეს მომსახურების ხელშეკრულების მე-3 პუნქტის წესით.
5. მხოლოდ რეკლამის დამკვეთი (ბმულიანი რეკლამა)
დამკვეთს, რომელსაც TripAlltime-ზე ობიექტის გვერდი არ აქვს, შეუძლია განათავსოს რეკლამა საკუთარ ვებგვერდზე გადამისამართებით. დამკვეთი ირჩევს აუდიტორიას (ქალაქი, ვისთან ერთად, ინტერესები, კვირის დღეები და საათები) და განთავსების ადგილებს; პლატფორმა აჩვენებს რეკლამას მხოლოდ მათ, ვინც არჩეულ აუდიტორიას შეესაბამება, მომხმარებლის თანხმობების გათვალისწინებით.
ბმულიანი რეკლამა იხდება წინასწარ: კამპანიის შექმნისას გაიცემა ინვოისი არჩეულ ბიუჯეტზე + დღგ; კამპანია ეშვება გადახდის დადასტურების და შემოწმების შემდეგ და ჩერდება ბიუჯეტის ამოწურვისას. ხარჯი იანგარიშება დაწკაპუნებაზე, ან 1000 ჩვენებაზე. კამპანიის დასრულებისას გამოუყენებელი ნაშთი, დამკვეთის მოთხოვნით, ბრუნდება ან გადაიტანება შემდეგ კამპანიაზე.
დამკვეთი ხედავს საკუთარ ანგარიშს: ჩვენებები, დაწკაპუნებები, ხარჯი, დარჩენილი ბიუჯეტი და სად ნახეს რეკლამა. ანგარიშში არ ჩანს ცალკეული მომხმარებლის პერსონალური მონაცემები.